ياصاحبي قلبي من الهـم مضـرور
حاول ولـو مـرّه تمثّـل خنوعـك
من المستحيل انساك ياشمعة الـدور
متى يزين الحـظّ نشعـل شموعـك
أصبحت في حبّك مقيّـد ومسحـور
من البيض أبدماشفت شكلك ونوعك
يازين وجهك به تباشيـر واسـرور
في وسط قلبـي جرّحتنـي قطوعـك
حرام اشوف الدمع يسكـب ومنثـور
ياليت ماكون السّبب فـي دموعـك
بشّر عسى مابـه خـلافٍ ومنكـور
ياجعل طـاروق الهـوى مايلوعـك
فانت بجمالك مقتبس من هل الحـور
مثل القمر ماتختفـي فـي طلوعـك
وانت الفصول الأربعه أيام واشهـور
وانت الليالي عشتها فـي ربوعـك
لو رحت عنّي صاربي الدّم مهـدور
ربيع قلبـي مبتهـج فـي رجوعـك
واصبحت نجم الكون واضح ومشهور
أجبرت كلّ البيض تسلـك طبوعـك
حبّك عليّ اصبح حقيقـه ومجبـور
صار الشهر عندي يسابق سبوعـك
فان كنت تاويلي تكون أنت مشكـور
أكبر سعاده يـوم شوفـك وطوعـك
موضوع: أبتهج في رجوعك... 
الأحد مارس 22, 2009 11:09 am